(ก) สญฺญา ขนฺโธติ? อามนฺตาฯ
(ข) ขนฺธา สญฺญากฺขนฺโธติ?
สญฺญากฺขนฺโธ ขนฺโธ เจว สญฺญากฺขนฺโธ จฯ อวเสสา ขนฺธา น สญฺญากฺขนฺโธฯ
(ก) สงฺขารา ขนฺโธติ? อามนฺตาฯ
(ข) ขนฺธา สงฺขารกฺขนฺโธติ?
สงฺขารกฺขนฺโธ ขนฺโธ เจว สงฺขารกฺขนฺโธ จฯ อวเสสา ขนฺธา น สงฺขารกฺขนฺโธฯ
(ก) วิญฺญาณํ ขนฺโธติ? อามนฺตาฯ
(ข) ขนฺธา วิญฺญาณกฺขนฺโธติ?
วิญฺญาณกฺขนฺโธ ขนฺโธ เจว วิญฺญาณกฺขนฺโธ จฯ อวเสสา ขนฺธา น วิญฺญาณกฺขนฺโธฯ
(ข) ปจฺจนีกํ
[39] (ก) น รูปํ น ขนฺโธติ?
รูปํ ฐเปตฺวา อวเสสา ขนฺธา น รูปํ, ขนฺธาฯ รูปญฺจ ขนฺเธ จ ฐเปตฺวา อวเสสา น เจว รูปํ น จ ขนฺธาฯ
(ข) น ขนฺธา น รูปกฺขนฺโธติ? อามนฺตาฯ
(ก) น เวทนา น ขนฺโธติ?
เวทนํ ฐเปตฺวา อวเสสา ขนฺธา น เวทนา, ขนฺธาฯ เวทนญฺจ ขนฺเธ จ ฐเปตฺวา อวเสสา น เจว เวทนา น จ ขนฺธาฯ
(ข) น ขนฺธา น เวทนากฺขนฺโธติ? อามนฺตาฯ
(ก) น สญฺญา น ขนฺโธติ?
สญฺญํ ฐเปตฺวา อวเสสา ขนฺธา น สญฺญา, ขนฺธาฯ สญฺญญฺจ ขนฺเธ จ ฐเปตฺวา อวเสสา น เจว สญฺญา น จ ขนฺธาฯ
(ข) น ขนฺธา น สญฺญากฺขนฺโธติ? อามนฺตาฯ
(ก) น สงฺขารา น ขนฺโธติ? อามนฺตาฯ
(ข) น ขนฺธา น สงฺขารกฺขนฺโธติ? อามนฺตาฯ
(ก) น วิญฺญาณํ น ขนฺโธติ?
วิญฺญาณํ ฐเปตฺวา อวเสสา ขนฺธา น วิญฺญาณํ, ขนฺธาฯ วิญฺญาณญฺจ ขนฺเธ จ ฐเปตฺวา อวเสสา น เจว วิญฺญาณํ น จ ขนฺธาฯ
(ข) น ขนฺธา น วิญฺญาณกฺขนฺโธติ? อามนฺตาฯ
4. สุทฺธขนฺธมูลจกฺกวาโร
(ก) อนุโลมํ
[40] (ก) รูปํ ขนฺโธติ? อามนฺตาฯ
(ข) ขนฺธา เวทนากฺขนฺโธติ?
เวทนากฺขนฺโธ ขนฺโธ เจว เวทนากฺขนฺโธ จฯ อวเสสา ขนฺธา น เวทนากฺขนฺโธฯ
(ก) รูปํ ขนฺโธติ? อามนฺตาฯ
(ข) ขนฺธา สญฺญากฺขนฺโธติ?
สญฺญากฺขนฺโธ ขนฺโธ เจว สญฺญากฺขนฺโธ จฯ อวเสสา ขนฺธา น สญฺญากฺขนฺโธฯ